அத² நவநவதிதமோ(அ)த்⁴யாய꞉
பௌண்ட்³ரகயுத்³த⁴ம்
வைஷ²ம்பாயந உவாச
க்ரவ்யாதா³꞉ ஸர்வ ஏவாஷு² ப⁴க்ஷயந்தஸ்ததா³ ஷ²வம் |
ஹஸந்தோ விவித⁴ம் கோ⁴ரம் நத³யந்தோ வஸுந்த⁴ராம் ||3-99-1
ராக்ஷஸாஷ்²ச பிஷா²சாஷ்²ச பிப³ந்த꞉ ஷோ²ணிதம் ப³ஹு |
ஆஷி²க²ம் பு⁴ஞ்ஜதே ராஜஞ்ச²வஸ்ய பிஷி²தாஷ²நா꞉ ||3-99-2
ந்ருத்யந்தி ஸ்ம ததா³ ராஜந்நக³ர்யாம் ரணதோஷி²தா꞉ |
காகா ப³லாகா க்³ருத்⁴ராஷ்²ச ஷ்²யேநா கோ³மாயவஸ்ததா² ||3-99-3
ப⁴க்ஷயந்த꞉ ப்ரவர்தந்தே ராக்ஷஸாஷ்²சைவ தா³ருணா꞉ |
ஏதஸ்மிந்நந்தரே வீரோ நிஷாதோ³ லப்³த⁴ஸஞ்ஜ்ஞக꞉ ||3-99-4
ஹதாந்ஸர்வாந்ஸமாலோக்ய நிஷாதா³ந்நக³சாரிண꞉ |
க³தா³மாதா³ய குபிதோ ராமமேவ ஜகா³ம ஹ ||3-99-5
ஜகா⁴ந க³த³யா ராஜம்ஷ்²ச²த்ரதே³ஷே² நிஷாத³ப꞉ |
ததோ ராமோ க³தீ³ ராஜந்நிஷாத³ம் பா³ஹுஷா²லிநம் ||3-99-6
ஆஜக்⁴நே க³த³யா க்ரூரம் மத³மத்தோ ஹலாயுத⁴꞉ |
தயோஷ்²ச துமுலம் யுத்³த⁴ம் க³தா³ப்⁴யாம் ஸமவர்தத ||3-99-7
ஆகாஷே² ஷ²ப்³த³ ஆஸீத்து தயோர்யுத்³தே⁴ மஹாபு⁴ஜ |
ஸமுத்³ராணாம் யதா² கோ⁴ஷ꞉ ஸர்வேஷாம் ஸந்நிக³ச்ச²தாம் ||3-99-8
கல்பக்ஷயே மஹாராஜ ஷ²ப்³த³꞉ ஸுதுமுலோ(அ)ப⁴வத் |
க்ஷோபி⁴தோ நாக³ராஜஷ்²ச நாகா³꞉ க்ஷோப⁴ம் ஸமாயயு꞉ ||3-99-9
ப்ருதி²வீ சாந்தரிக்ஷம் ச ஸர்வம் ஷ²ப்³த³மயம் ப³பௌ⁴ |
தத꞉ ஸ பௌண்ட்³ரகோ ராஜா ஸாத்யகிம் வ்ருஷ்ணிநந்த³நம் ||3-99-10
க³த³யைவ ஜகா⁴நாஷு² ஸத்வரம் ரணகோவித³꞉ |
யுயுதா⁴நோ ப³லீ ராஜந்வாஸுதே³வம் ஜகா⁴ந ஹ ||3-99-11
தயோஷ்²ச துமுல꞉ ஷ²ப்³த³꞉ ப்ராது³ராஸீந்மஹாரணே |
சதுர்ணாம் யுத்³யதாம் ராஜந்பரஸ்பரவதை⁴ஷிணாம் ||3-99-12
ப்³ரஹ்மாண்ட³க்ஷோப⁴ணோ ராஜந்ச²ப்³த³ ஆஸீத்ஸுதா³ருண꞉ |
ததோ ரஜ꞉ ப்ராது³ரபூ⁴த்தஸ்மிந்ஸங்க்³ராமமூர்த⁴நி ||3-99-13
நாரகா நிஷ்ப்ரபா⁴ ராஜம்ஸ்தமஸ்யேவம் க்ஷயம் க³தே |
உஷஸி ப்ரதிபு³த்³தா⁴யாம் ததோ நி꞉ஷே²ஷதாம் யயௌ ||3-99-14
உதி³தோ ப⁴க³வாந்ஸூர்யஷ்²சந்த்³ரஷ்²ச க்ஷயமாயயௌ |
தயோர்யுத்³த⁴ம் ப்ராது³ரபூ⁴ச்சதுர்ணாம் பா³ஹுஷா²லிநாம் |
தே³வாஸுரஸமம் ராஜந்நுதி³தோ பா⁴ஸ்கரே மஹத் ||3-99-15
இதி ஷ்²ரீமஹாபா⁴ரதே கி²லேஷு ஹரிவம்ஷே² ப⁴விஷ்யபர்வணி
பௌண்ட்³ரகயுத்³தே⁴ நவநவதிதமோ(அ)த்⁴யாய꞉
Converted to Tamil Script using Aksharamukha : Script Converter: http://aksharamukha.appspot.com/converter
http://mahabharata-resources.org/harivamsa/bhavishyaparva/hv_3_099_mpr.html
##Harivamsha Maha Puranam - Part 3 - Bhavishya Parva
Chapter 99 The Battles Continue
i-translated by G. Schaufelberger schaufel @ wanadoo.fr
January 6 2009##
Proof-read by K S Rmachandran, ramachandran_ksr @ yahoo.ca.
If you find any errors compared to Chitrashala Press edn,
send corrections to A. Harindranath harindranath_a @ yahoo.com
----------------------------------------------------------------
atha navanavatitamo.adhyAyaH
pauNDrakayuddham
vaishampAyana uvAcha
kravyAdAH sarva evAshu bhakShayantastadA shavam |
hasanto vividhaM ghoraM nadayanto vasuMdharAm ||3-99-1
rAkShasAshcha pishAchAshcha pibantaH shoNitaM bahu |
AshikhaM bhu~njate rAja~nChavasya pishitAshanAH ||3-99-2
nR^ityanti sma tadA rAjannagaryAM raNatoshitAH |
kAkA balAkA gR^idhrAshcha shyenA gomAyavastathA ||3-99-3
bhakShayantaH pravartante rAkShasAshchaiva dAruNAH |
etasminnantare vIro niShAdo labdhasaMj~nakaH ||3-99-4
hatAnsarvAnsamAlokya niShAdAnnagachAriNaH |
gadAmAdAya kupito rAmameva jagAma ha ||3-99-5
jaghAna gadayA rAjaMshChatradeshe niShAdapaH |
tato rAmo gadI rAjanniShAdaM bAhushAlinam ||3-99-6
Ajaghne gadayA krUraM madamatto halAyudhaH |
tayoshcha tumulaM yuddhaM gadAbhyAM samavartata ||3-99-7
AkAshe shabda AsIttu tayoryuddhe mahAbhuja |
samudrANAM yathA ghoShaH sarveShAM sannigachChatAm ||3-99-8
kalpakShaye mahArAja shabdaH sutumulo.abhavat |
kShobhito nAgarAjashcha nAgAH kShobhaM samAyayuH ||3-99-9
pR^ithivI chAntarikShaM cha sarvaM shabdamayaM babhau |
tataH sa pauNDrako rAjA sAtyakiM vR^iShNinandanam ||3-99-10
gadayaiva jaghAnAshu satvaraM raNakovidaH |
yuyudhAno balI rAjanvAsudevaM jaghAna ha ||3-99-11
tayoshcha tumulaH shabdaH prAdurAsInmahAraNe |
chaturNAM yudyatAM rAjanparasparavadhaiShiNAm ||3-99-12
brahmANDakShobhaNo rAjanChabda AsItsudAruNaH |
tato rajaH prAdurabhUttasminsa~NgrAmamUrdhani ||3-99-13
nArakA niShprabhA rAjaMstamasyevaM kShayaM gate |
uShasi pratibuddhAyAM tato niHsheShatAM yayau ||3-99-14
udito bhagavAnsUryashchandrashcha kShayamAyayau |
tayoryuddhaM prAdurabhUchchaturNAM bAhushAlinAm |
devAsurasamaM rAjannudito bhAskare mahat ||3-99-15
iti shrImahAbhArate khileShu harivaMshe bhaviShyaparvaNi
pauNDrakayuddhe navanavatitamo.adhyAyaH
