த்³வாத³ஸோ²(அ)த்⁴யாய꞉
கா³லவோத்பத்தி꞉
வைஸ²ம்பாயன உவாச
தஸ்ய புத்ராஸ்த்ரய꞉ ஸி²ஷ்டா த்³ருடா⁴ஸ்²வோ ஜ்யேஷ்ட² உச்யதே |
சந்த்³ராஸ்²வகபிலாஸ்²வௌ து குமாரௌ த்³வௌ கனீயஸௌ || 1-12- 1
தௌ⁴ந்து⁴மாரிர்த்³ருடா⁴ஸ்²வஸ்து ஹர்யஸ்²வஸ்தஸ்ய சாத்மஜ꞉ |
ஹர்யஸ்²வஸ்ய நிகும்போ⁴(அ)பூ⁴த்க்ஷத்ரத⁴ர்மரத꞉ ஸதா³ || 1-12-2
ஸம்ஹதாஸ்²வோ நிகும்ப⁴ஸ்ய புத்ரோ ரணவிஸா²ரத³꞉ |
அக்ருஸா²ஸ்²வ꞉ க்ருஸா²ஸ்²வஸ்²ச ஸம்ஹதாஸ்²வஸுதௌ ந்ருப || 1-12-3
தஸ்ய ஹைமவதீ கன்யா ஸதாம் மாதா த்³ருஷத்³வதீ |
விக்²யாதா த்ரிஷு லோகேஷு புத்ரஸ்²சாஸ்யா꞉ ப்ரஸேனஜித் ||1-12-4
லேபே⁴ ப்ரஸேனஜித்³பா⁴ர்யாம் கௌ³ரீம் நாம பதிவ்ரதாம் |
அபி⁴ஸ²ப்தா து ஸா ப⁴ர்த்ரா நதீ³ வை பா³ஹுதா³ப⁴வத் || 1-12-5
தஸ்யா꞉ புத்ரோ மஹானாஸீத்³யுவனாஸ்²வோ மஹீபதி꞉ |
மாந்தா⁴தா யுவனாஸ்²வஸ்ய த்ரிலோகவிஜயீ ஸுத꞉ || 1-12-6
தஸ்ய சைத்ரரதீ² பா⁴ர்யா ஸ²ஸ²பி³ந்தோ³꞉ ஸுதாப⁴வத் |
ஸாத்⁴வீ பி³ந்து³மதீ நாம ரூபேணாஸத்³ருஸீ² பு⁴வி || 1-12-7
பதிவ்ரதா ச ஜ்யேஷ்டா² ச ப்⁴ராத்ரூணாமயுதஸ்ய ஸா |
தஸ்யாமுத்பாத³யாமாஸ மாந்தா⁴தா த்³வௌ ஸுதௌ ந்ருப || 1-12-8
புருகுத்ஸம் து த⁴ர்மஜ்ஞம் முசுகுந்த³ம் ச தா⁴ர்மிகம் |
புருகுத்ஸஸுதஸ்த்வாஸீத்த்ரஸத்³த³ஸ்யுர்மஹீபதி꞉ || 1-12-9
நர்மதா³யாமதோ²த்பன்ன꞉ ஸம்பூ⁴தஸ்தஸ்ய சாத்மஜ꞉ |
ஸம்பூ⁴தஸ்ய து தா³யாத³꞉ ஸுத⁴ன்வா நாம பார்தி²வ꞉ || 1-12-10
ஸுத⁴ன்வன꞉ ஸுதஸ்²சாஸீத்த்ரித⁴ன்வா ரிபுமர்த³ன꞉ |
ராஜ்ஞஸ்த்ரித⁴ன்வனஸ்த்வாஸீத்³வித்³வாம்ஸ்த்ரய்யாருண꞉ ஸுத꞉ ||1-12-11
தஸ்ய ஸத்யவ்ரதோ நாம குமாரோ(அ)பூ⁴ன்மஹாப³ல꞉ |
பாணிக்³ரஹணமந்த்ராணாம் விக்⁴னம் சக்ரே ஸுது³ர்மதி꞉ || 1-12-12
யேன பா⁴ர்யாஹ்ருதா பூர்வம் க்ரிதோத்³வாஹா பரஸ்ய வை |
பா³ல்யாத்காமாச்ச மோஹாச்ச ஸம்ஹர்ஷாச்சாபலேன ச || 1-12-13
ஜஹார கன்யாம் காமாத்ஸ꞉ கஸ்யசித்புரவாஸின꞉ |
அத⁴ர்மஸ²ங்குனா தேன ராஜா த்ரய்யாருணோ(அ)த்யஜத் || 1-12-14
அபத்⁴வம்ஸேதி ப³ஹுஸோ² வத³ன்க்ரோத⁴ஸமன்வித꞉ |
பிதரம் ஸோ(அ)ப்³ரவித்த்யக்த꞉ க்வ க³ச்சா²மீதி வை முஹு꞉ |1-12-15
பிதா த்வேனமதோ²வாச ஸ்²வபாகை꞉ ஸஹ வர்தய |
நாஹம் புத்ரேண புத்ரார்தீ² த்வயாத்³ய குலபாம்ஸன || 1-12-16
இத்யுக்த꞉ ஸ நிராக்ராமன்னக³ராத்³வசனாத்பிது꞉ |
ந ச தம் வாரயாமாஸ வஸிஷ்டோ² ப⁴க³வான்ருஷி꞉ || 1-12-17
ஸ து ஸத்யவ்ரதஸ்தாத ஸ்²வபாகாவஸதா²ந்திகே |
பித்ரா த்யக்தோ(அ)வஸத்³தீ⁴ர꞉ பிதா தஸ்ய வனம் யயௌ || 1-12-18
ததஸ்தஸ்மிம்ஸ்து விஷயே நாவர்ஷத்பாகஸா²ஸன꞉ |
ஸமா த்³வாத³ஸ² ராஜேந்த்³ர தேனாத⁴ர்மேண வை ததா³ || 1-12-19
தா³ராம்ஸ்து தஸ்ய விஷயே விஸ்²வாமித்ரோ மஹாதபா꞉ |
ஸம்ந்யஸ்ய ஸாக³ரானூபே சசார விபுலம் தப꞉ ||1-12-20
தஸ்ய பத்னீ க³லே ப³த்³த்⁴வா மத்⁴யமம் புத்ரமௌரஸம் |
ஸே²ஷஸ்ய ப⁴ரணார்தா²ய வ்யக்ரீணாத்³கோ³ஸ²தேன வை ||1-12-21
தம் து ப³த்³த⁴ம் க³லே த்³ருஷ்ட்வா விக்ரீயந்தம் ந்ருபாத்மஜ꞉ |
மஹர்ஷிபுத்ரம் த⁴ர்மாத்மா மோக்ஷ்꞉அயாமாஸ பா⁴ரத ||1-12-22
ஸத்யவ்ரதோ மஹாபா³ஹுர்ப⁴ரணம் தஸ்ய சாகரோத் |
விஸ்²வாமித்ரஸ்ய துஷ்ட்யர்த்²மனுகம்பார்த²மேவ ச || 1-12-23
ஸோ(அ)ப⁴வத்³கா³லவோ நாம க³லப³ந்தா⁴ன்மஹாதபா꞉ |
மஹர்ஷி꞉ கௌஸி²கஸ்தாத தேன வீரேண மோக்ஷித꞉ || 1-12-24
இதி ஸ்²ரீமஹாபா⁴ரதே கி²லேஷு ஹரிவம்ஸ²பர்வணி க³லவோத்பத்தௌ
த்³வாத³ஸோ²(அ)த்⁴யாய꞉
Converted to Tamil Script using Aksharamukha : Script Converter: http://aksharamukha.appspot.com/converter
Source: http://mahabharata-resources.org/harivamsa/hv_1_12_mpr.html
##Itrans encodimg of HarivaMshamahApurANam
Part I harivaMshaparva
Chapter 12
Encoded by Jagat (Jan Brzezinski) jankbrz @ videotron.ca
Edited and proofread by K S Ramachandran, ksrkal @ dataone.in. April 2007.
Source: Chitrashala Press edn, Gita Press edn. ##
Further proof-read by Gilles Schaufelberger, schaufel @ wanadoo.fr
If you find any errors compared to Chitrashala Press edn,
send corrections to A. Harindranath, harindranath_a @ yahoo.com
-------------------------------------------------------------------
dvAdasho.adhyAyaH
gAlavotpattiH
vaishampAyana uvAcha
tasya putrAstrayaH shiShTA dR^iDhAshvo jyeShTha uchyate |
chandrAshvakapilAshvau tu kumArau dvau kanIyasau || 1-12- 1
dhaundhumArirdR^iDhAshvastu haryashvastasya chAtmajaH |
haryashvasya nikumbho.abhUtkShatradharmarataH sadA || 1-12-2
saMhatAshvo nikumbhasya putro raNavishAradaH |
akR^ishAshvaH kR^ishAshvashcha saMhatAshvasutau nR^ipa || 1-12-3
tasya haimavatI kanyA satAM mAtA dR^iShadvatI |
vikhyAtA triShu lokeShu putrashchAsyAH prasenajit ||1-12-4
lebhe prasenajidbhAryAM gaurIM nAma pativratAM |
abhishaptA tu sA bhartrA nadI vai bAhudAbhavat || 1-12-5
tasyAH putro mahAnAsIdyuvanAshvo mahIpatiH |
mAndhAtA yuvanAshvasya trilokavijayI sutaH || 1-12-6
tasya chaitrarathI bhAryA shashabindoH sutAbhavat |
sAdhvI bindumatI nAma rUpeNAsadR^ishI bhuvi || 1-12-7
pativratA cha jyeShThA cha bhrAtR^INAmayutasya sA |
tasyAmutpAdayAmAsa mAndhAtA dvau sutau nR^ipa || 1-12-8
purukutsaM tu dharmaj~naM muchukundaM cha dhArmikam |
purukutsasutastvAsIttrasaddasyurmahIpatiH || 1-12-9
narmadAyAmathotpannaH saMbhUtastasya chAtmajaH |
saMbhUtasya tu dAyAdaH sudhanvA nAma pArthivaH || 1-12-10
sudhanvanaH sutashchAsIttridhanvA ripumardanaH |
rAj~nastridhanvanastvAsIdvidvAMstrayyAruNaH sutaH ||1-12-11
tasya satyavrato nAma kumAro.abhUnmahAbalaH |
pANigrahaNamantrANAM vighnaM chakre sudurmatiH || 1-12-12
yena bhAryAhR^itA pUrvaM kritodvAhA parasya vai |
bAlyAtkAmAchcha mohAchcha saMharShAchchApalena cha || 1-12-13
jahAra kanyAM kAmAtsaH kasyachitpuravAsinaH |
adharmasha~NkunA tena rAjA trayyAruNo.atyajat || 1-12-14
apadhvaMseti bahusho vadankrodhasamanvitaH |
pitaraM so.abravittyaktaH kva gachChAmIti vai muhuH |1-12-15
pitA tvenamathovAcha shvapAkaiH saha vartaya |
nAhaM putreNa putrArthI tvayAdya kulapAMsana || 1-12-16
ityuktaH sa nirAkrAmannagarAdvachanAtpituH |
na cha taM vArayAmAsa vasiShTho bhagavAnR^iShiH || 1-12-17
sa tu satyavratastAta shvapAkAvasathAntike |
pitrA tyakto.avasaddhIraH pitA tasya vanaM yayau || 1-12-18
tatastasmiMstu viShaye nAvarShatpAkashAsanaH |
samA dvAdasha rAjendra tenAdharmeNa vai tadA || 1-12-19
dArAMstu tasya viShaye vishvAmitro mahAtapAH |
saMnyasya sAgarAnUpe chachAra vipulaM tapaH ||1-12-20
tasya patnI gale baddhvA madhyamaM putramaurasam |
sheshhasya bharaNArthAya vyakrINAdgoshatena vai ||1-12-21
taM tu baddhaM gale dR^iShTvA vikrIyantaM nR^ipAtmajaH |
maharShiputraM dharmAtmA mokShHayAmAsa bhArata ||1-12-22
satyavrato mahAbAhurbharaNaM tasya chAkarot |
vishvAmitrasya tuShTyarthmanukampArthameva cha || 1-12-23
so.abhavadgAlavo nAma galabandhAnmahAtapAH |
maharShiH kaushikastAta tena vIreNa mokShitaH || 1-12-24
iti shrImahAbhArate khileShu harivaMshaparvaNi galavotpattau
dvAdasho.adhyAyaH
| Previous | | English M.M.Dutt | | Tamil Translation | | Next |
